Барои тамоми хизматчиёни давлатӣ, кормандони сохторҳои мухталифи давлатӣ ва ҷамъиятӣ, намояндагони касбу кори гуногун боиси ифтихори бузург аст, ки барои натиҷањои назарраси корӣ ҳамасола ба истиқболи ҷашни муқаддаси миллӣ-Истиқлоли давлатии Ҷумҳурии Тоҷикистон пешоњангони ҷомеа аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба мукофотҳо ва унвону ҷоизаҳои давлатии Ҷумҳурии Тоҷикистон қадрдонӣ карда мешаванд.
Барои ҳайати Агентии хизмати давлатии назди Президенти Ҷумҳурии Тоҷикистон низ басо хушоянд аст, ки имрӯз ба муносибати 33-солагии Истиқлоли давлатии Ҷумҳурии Тоҷикистон корманди Агентӣ- Саидова Мадина Додоҷоновна - сардори шуъбаи махзани маълумоти хизматчиёни давлатии Агентии хизмати давлатӣ бо медали «Хизмати шоиста», қадрдонӣ гардид.
Роҳбарият ва ҳайати Агентии хизмати давлатӣ Саидова М.Д. - корманди содиқу бомасъул, кадри ҷавону ояндадорро барои сарфароз гардидан ба ин қадршиносии Сарвари давлат самимона шодбош намуда, таманно менамоянд, ки минбаъд низ бо истифодаи дучанди имконияту қобилияти зеҳнӣ, донишу таҷриба, маҳорату малака ва саъю талоши худ барои пешрафти Тоҷикистони соҳибистиқлол ва рушди соҳаи хизмати давлатӣ зањмат намояд.
Мукофоти давлатӣ муборак, ҳамкори азиз!
Агентии хизмати давлатии назди
Президенти Ҷумҳурии Тоҷикистон
