ҲАМАИ ХАБАРҲО
6 май Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кадрҳои ба вазифаҳои роҳбарӣ дар вазоратҳои молия, корҳои хориҷӣ ва мақомоти дигари марказӣ таъингардидаро барои суҳбат ба ҳузур пазируфтанд.
30 апрел дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Сарвазири Ҷумҳурии Қазоқистон муҳтарам Олжас Бектеновро, ки бо сафари расмӣ ба Тоҷикистон ташриф овард, ба ҳузур пазируфтанд.
29 апрел дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Президенти Бонки Аврупоии таҷдид ва рушд хонум Одил Рено-Бассоро ба ҳузур пазируфтанд.
26 апрел сафари расмии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки рӯзҳои 22 то 26 апрел дар Ҷумҳурии Италия ва Ватикан ҷараён дошт, ба анҷом расид.
26 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди анҷоми мулоқот бо Попи Рим аз Осорхонаи Ватикан боздид намуданд.
26 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари расмӣ ба Ватикан бо Котиби давлатии Ватикан Кардинал Петро Паролин мулоқот карданд.
26 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари расмӣ ба Ватикан ташриф оварданд.
Дар доираи сафари расмӣ ба Ҷумҳурии Италия Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо намояндагони тоҷикони муқими Ҷумҳурии Италия, аз ҷумла донишҷӯёни тоҷик ва кормандони ташкилоту созмонҳои бонуфуз, воқеъ дар ин кишвар мулоқоти самимӣ доир карданд.
Ҳайати Агентии хизмати давлатии назди Президенти Ҷумҳурии Тоҷикистон бо арзи эҳтиром тамоми кормандон ва собиқадорон соҳаи ҳифзи сирри давлатӣ ва сохторҳои онро ба муносибати Рӯзи кормандони соҳаи ҳифзи сирри давлатӣ, ки 6 май таҷлил мегардад табрик гуфта, барои хизмати содиқона ба Ватан ва халқи Тоҷикистон изҳори сипос менамояд.
Агентии хизмати давлатии назди Президенти Ҷуҳурии Тоҷикистон бо камоли ифтихору эҳтиром тамоми кормандони мақомоти андоз ва кулли собиқадорони соҳаро ба муносибати Рӯзи кормандони мақомоти андоз, ки 4 май таҷлил мегардад, муборакбод гуфта, барои хизмати содиқона ба Ватан ва халқи Тоҷикистон изҳори сипос менамояд.
Таҳти роҳбарии омӯзгори кафедраи дипломатия ва муносибатҳои байналмилалии Академия Махфирати Диловаршо як гурӯҳ магистрантони «Мактаби давлатдории Эмомалӣ Раҳмон» аз Осорхонаи миллии Тоҷикистон дидан намуда, бо мақсади эҳёи суннатҳои миллӣ, тарғиби ҳифзу нигоҳдошти ёдгориҳои таърихию фарҳангӣ, баланд бардоштани рӯҳияи ватандӯстӣ, худогоҳию хештаншиносии шаҳрвандон, хусусан наврасон ва ҷавонон дар мавзӯи «Ҳифзи арзишҳои миллӣ» дарси сайёр доир карданд.
Дар Академияи идоракунии давлатии назди Президенти Ҷумҳурии Тоҷикистон маросими ифтитоҳи курси такмили ихтисос барои муовинони раисони кумитаҳои идораи замини вилоятҳо ва шаҳру ноҳияҳо дар мавзӯи «Истифодабарии самараноки замин ва нақши он дар таъмини амнияти озуқаворӣ» баргузор гардид.
Бо мақсади иҷрои банди 3-и «Нақшаи чорабиниҳо бахшида ба Соли маърифати ҳуқуқӣ эълон намудани соли 2024», ки бо амри Президенти Ҷумҳурии Тоҷикистон аз 18 марти соли 2024 тасдиқ шудааст ва дар асоси банди 19-и Низомномаи Вазорати адлияи Ҷумҳурии Тоҷикистон, ки бо қарори Ҳукумати Ҷумҳурии Тоҷикистон 30 сентябри соли 2021 тасдиқ гардидааст, бо фармоиши Вазири адлияи Ҷумҳурии Тоҷикистон аз 19 апрели соли 2024 рамзи «Соли маърифати ҳуқуқӣ – 2024» тасдиқ карда шуд.
Дар Академияи идоракунии давлатии назди Президенти Ҷумҳурии Тоҷикистон курси азнавтайёркунӣ аз рӯйи барномаи «Асосҳои ҳуқуқии хизмати давлатии Ҷумҳурии Тоҷикистон» барои хизматчиёни давлатии сохторҳои маҳаллии мақомоти иҷроияи марказии ҳокимияти давлатӣ ва сохторҳои мақомоти иҷроияи маҳалии ҳокимияти давлатии тобеи раиси вилоятҳо, шаҳрҳо ва ноҳияҳо, ки солҳои 2022-2023 ба хизмати давлатӣ қабул шудаанд, ҷамъбаст гардид.
Курси сайёри такмили ихтисос барои сармутахассисон оид ба корҳои омори ҷамоатҳои шаҳрак ва деҳоти шаҳру ноҳияҳои минтақаи Кӯлоби вилояти Хатлон аз рӯйи барномаи «Мубодилаи электронии ҳуҷҷатҳо дар мақомоти давлатӣ» ҷамъбаст гардид.
Бо мақсади тақвияти малакаи касбӣ, ҷаҳонбинии сиёсӣ ва сатҳи забондонии кормандони мақомоти давлатӣ, худидоракунии маҳаллӣ ва ташкилотҳои давлатӣ фармони Президенти Ҷумҳурии Тоҷикистон аз 18 марти соли 2024, №795 «Дар бораи омӯзиши забонҳои хориҷӣ» тасдиқ гардида, аз тарафи Агентии хизмати давлатӣ ҷиҳати таъмини иҷрои он тадбирҳои мушаххас андешида мешавад.
Стратегияи миллии рушди Ҷумҳурии Тоҷикистон барои давраи то соли 2030
User Rating: 0 / 5
Санаи 6 декабри соли равон дар Вазорати корҳои хориҷии Ҷумҳурии Тоҷикистон бо иштироки Фарҳод Салимӣ-муовини вазири корҳои хориҷӣ, Дилноза Аҳмадзода-муовини директори Агентии хизмати давлатӣ, Абдухалил Ғафурзода-ректори Академияи идоракунии давлатӣ
курси ғайринақшавии такмили ихтисос барои хизматчиёни давлатии Вазорат аз рӯи барномаи «Асосҳои ҳуқуқии хизмати давлатӣ ва дипломатӣ» ҷамъбаст гардид.
Маврид ба зикр аст, ки курси ғайринақшавии мазкур бо дархости Вазорати корҳои хориҷӣ дар ҳамкорӣ бо Агентии хизмати давлатии назди Президенти Ҷумҳурии Тоҷикистон аз ҷониби Академияи идоракунии давлатии назди Президенти Ҷумҳурии Тоҷикистон барои хизматчиёни давлатӣ-кормандони Вазорат аз рӯи барномаи «Асосҳои хизмати давлатӣ ва дипломатӣ» дар давраи 1 ноябр-1 декабри соли ҷорӣ ташкил гардид.
Дар ҷамъбасти курси мазкур Фарҳод Салимӣ-муовини вазири корҳои хориҷии Ҷумҳурии Тоҷикистон, Дилноза Аҳмадзода- муовини директори Агентии хизматии давлатии назди Президенти Ҷумҳурии Тоҷикистон, Абдухалил Ғафурзода-ректори Академияи идоракунии давлатии назди Президенти Ҷумҳурии Тоҷикистон ва Ибодат Ғанизода-директори Донишкадаи такмили ихтисос ва бозомӯзии хизматчиёни давлатӣ суханронӣ намуданд.
Зимни суханронӣ масъулон зикр доштанд, ки хизмати давлатии муосири Тоҷикистон ҳамчун ниҳоди иҷтимоӣ-сиёсӣ баробар бо соҳибистиқлолии Тоҷикистон асос ёфта, ташаккул ва рушди он ҳамчун яке аз рукнҳои асосии идоракунии давлатӣ аз Конститутсии Ҷумҳурии Тоҷикистон сарчашма мегирад. Моддаи 27 Конститутсияи Ҷумҳурии Тоҷикистон ба шаҳрвандон ҳуқуқи баробарро барои дохил шудан ба хидмати давлатӣ кафолат медиҳад.
Ин меъёри Конститутсия ба моддаи 25 Паймони байналмилалӣ оид ба ҳуқуқи шаҳрвандӣ ва сиёсӣ мувофиқат мекунад, ки дар он пешбинӣ шудааст: «Ба ҳар як шаҳрванд дар кишвари худ бояд бе ҳеҷ гуна поймолкунӣ ва маҳдуднамоии беасос тибқи шарту шароити барои ҳама баробар ҳуқуқу имконияти иштирок кардан дар хизмати давлатӣ дода шавад».
Қонуни Ҷумҳурии Тоҷикистон «Дар бораи хизмати давлатӣ» нахустин маротиба соли 1998 ва дар таҳрири нав соли 2007 қабул гардида, ба ташаккул ва рушди хизмати давлатӣ заминаи воқеӣ гузошт.
Бо мақсади ҳалли вазифаҳои дар назди институти хизмати давлатии мавҷуда равандҳои асосии идоракунии захираҳои инсонӣ таҳия ва самтҳои афзалиятноки низоми таҳсил, азнавтайёркунӣ ва такмили ихтисоси хизматчиёни давлатӣ муайян гардиданд, ки ба талаботи стандартҳои ҷаҳонии муосири технологияҳои кадрӣ мувофиқат мекунанд.
Дар доираи татбиқи санадҳои зикргардида ва дигар иқдомҳои ба рушди соҳа нигаронидашуда барои ба вуҷуд овардани заминаи меъёрии ҳуқуқии хизмати давлатии муосир, мутобиқ сохтани низоми хизмати давлатӣ ба шароити нави иқтисодӣ, такмили сохторҳои идоракунӣ, ташаккули низоми музди меҳнат ва ҳифзи иҷтимоии хизматчиёни давлатӣ, таҳияи механизмҳои нави татбиқи технологияҳои кадрӣ, банақшагирӣ ва баҳодиҳии фаъолияти хизматчиёни давлатӣ, истифодаи технологияҳои иттилоотӣ дар хизмати давлатӣ ва пешгирии коррупсия дар хизмати давлатӣ тадбирҳои муайян роҳандозӣ шуданд.
Дар ин давра силсилаи санадҳои меъёрии ҳуқуқии танзимкунандаи технологияҳои кадрии хизмати давлатӣ дар самти озмун барои ишғоли мансабҳои холии маъмурии хизмати давлатӣ, аттестатсияи хизматчиёни давлатии маъмурӣ, захираи кадрҳои хизмати давлатӣ, баҳодиҳии фаъолияти хизматчии давлатӣ, азнавтайёркунӣ, такмили ихтисос ва таҷрибаомўзии хизматчиёни давлатӣ қабул гардиданд.
Бо мақсади роҳандозии азнавтайёркунӣ, такмили ихтисос ва таҷрибаомўзии хизматчиёни давлатӣ, баланд бардоштани савияи дониши хизматчиёни давлатӣ ва тақвият бахшидани саҳми онҳо дар самаранокии идоракунии давлатӣ бо қарори Ҳукумати Ҷумҳурии Тоҷикистон аз 2 июни соли 2011, №266 Қоидаҳои таҳия ва амалӣ намудани фармоиши давлатӣ оид ба тайёркунии касбӣ, азнавтайёркунӣ ва такмили ихтисоси хизматчиёни давлатии Ҷумҳурии Тоҷикистон дар Донишкадаи такмили ихтисоси хизматчиёни давлатии Ҷумҳурии Тоҷикистон ба тасвиб расида, ҳамзамон бо қарори Ҳукумати Ҷумҳурии Тоҷикистон аз 2 декабри соли 2003 Стандарти давлатии таҳсилоти иловагии касбии хизматчиёни давлатӣ ҳамчун заминаи асосии роҳандозии ин шакли фаъолият қабул карда шуда, соли 2004 аввалин курсҳои такмили ихтисоси хизматчиёни давлатӣ дар Донишкада оғоз гардиданд.
Айни ҳол ҳамасола зиёда аз 2000 хизматчиёни давлатӣ дар Академияи идоракунии давлатӣ ба курсҳои азнавтайёркунӣ ва такмили ихтисос фаро гирифта мешаванд.
Ҳамзамон, тайёр кардани кадрҳои соҳаи хизмати давлатӣ дар хориҷи кишвар ба роҳ монда шудааст.
Таъкид гардид, ки сиёсати хориҷии мо барқарории равобити байналмилалӣ, ва умуман, роҳандозии фаъолияти дипломатӣ танҳо дар даврони Истиқлоли давлатӣ муяссар гардид. Дар раванди шаклгирии давлати навини тоҷикон ва касби эътибори байналмилалии он нақши дипломатияи миллӣ муассир аст. Ҷумҳурии Тоҷикистон бо қабули аввалин санадҳои муайянкунандаи масири сиёсати хориҷӣ, аз ҷумла Қонуни Ҷумҳурии Тоҷикистон «Дар бораи хизмати дипломатӣ» ва Консепсияи сиёсати хориҷии Ҷумҳурии Тоҷикистон ва узвияти комилҳуқуқи ҷомеаи ҷаҳонӣ равобити дипломатӣ ва муносибатҳои дуҷонибаву бисёрҷонибаро бо давлатҳои хориҷиву созмонҳои мухталиф оғоз бахшид.
Кишвари мо дар низоми нави муносибатҳои байналмилалӣ ба шарофати сиёсати хориҷии мутавозин, ки меҳвари онро сиёсати «дарҳои боз» ташкил медиҳад, тавонист бо соири кишварҳои ҷаҳон, созмонҳои байналмилаливу минтақавӣ ва ниҳодҳои бонуфузи молиявӣ ҳамкорӣ ва муносиботи ҳасанаро ба роҳ монад. Имрӯз Тоҷикистон бо зиёда аз 180 давлати дунё равобити дипломатӣ барқарор намуда, барои фаъолияти муассир ва пайгирии пайвастаи манфиатҳои миллӣ дар арсаи байналмилалӣ марҳала ба марҳала шабакаи густурдаи намояндагиҳои дипломатӣ ва консулгариҳои худро дар хориҷ аз кишвар таъсис дод.
Дар робита ба ин, ба шунавандагони курси такмили ихтисос тибқи барномаи таълимӣ дар ҳаҷми 72 соат мавзуъҳои мубрам, аз ҷумла «Эмомалӣ Раҳмон-асосгузори мактаби нави сиёсати хориҷӣ ва дипломатияи тоҷик», «Таърихи ташаккул ва дипломатияи тоҷик», «Асосҳои ҳуқуқӣ ва ташкили фаъолияти мақомоти идоракунии давлатии Ҷумҳурии Тоҷикистон», «Шарҳи Қонуни Ҷумҳурии Тоҷикистон «Дар бораи хизмати давлатӣ», «Шарҳи Қонуни Ҷумҳурии Тоҷикистон «Дар бораи хизмати дипломатӣ», «Шарҳи Қонуни Ҷумҳурии Тоҷикистон «Дар бораи шартномаҳои байналмилалӣ», «Санадҳои меъёрии ҳуқуқии танзимкунандаи соҳаи хизмати дипломатӣ дар Ҷумҳурии Тоҷикистон», «Дипломатияи мардумӣ ва нақши он дар рушди муносибатҳои байни кишварҳо», «Ҳамкориҳои иқтисодиву хориҷии Тоҷикистон», «Сармоягузорӣ дар Тоҷикистон: кафолат ва имтиёзҳо» ва ба ин монанд мавзуъҳои ҷолиби тақвиятбахши малакаи касбиву ихтисоси хизматчиёни дипломатӣ таълим дода шуданд.
Дар фарҷом ба шунавандагони курси такмили ихтисос гувоҳномаҳои хатми такмили ихтисос супорида шуд.
Агентии хизмати давлатии назди Президенти Ҷумҳурии Тоҷикистон
Таърих
Иқтисодиёт
Фарҳанг ва маориф
Сайёҳӣ
Парчам
Суруд
Асъори миллӣ
Боғи миллӣ
Ҳисор
Ҳулбук
Саразм
Вверх