ҲАМАИ ХАБАРҲО
18 апрел дар доираи сафари давлатии Президенти Ҷумҳурии Узбекистон муҳтарам Шавкат Мирзиёев ба Ҷумҳурии Тоҷикистон дар толори бошукуҳи Кохи Борбад барномаи фарҳангии арбобони санъати Тоҷикистону Узбекистон бо номи “Дӯстии ҷовидон” баргузор гардид.
Муҳтарам намояндагони васоити ахбори омма,
Дӯстони азиз,
Нахуст аз номи мардуми Тоҷикистон ва шахсан аз номи худам меҳмони гиромӣ, дӯст ва бародарам, Шавкат Миромонович Мирзиёевро самимона хайрамақдам гуфта, дар Тоҷикистон ҳузури бофароғат мехоҳам.
18 апрел дар Қасри миллат дар доираи сафари давлатии Президенти Ҷумҳурии Узбекистон дар Ҷумҳурии Тоҷикистон маросими супоридани мукофотҳои давлатии Тоҷикистон ва Узбекистон ба як гуруҳ ҳунармандони ду кишвар баргузор гардид.
Пас аз анҷоми мулоқоту музокироти сатҳи олии Тоҷикистону Узбекистон дар Қасри миллат маросими табодули санадҳои нави имзошудаи ҳамкорӣ баргузор гардид.
Баъди анҷоми маросими истиқболи расмӣ дар Қасри миллат баррасии масоили дӯстию ҳамкории Тоҷикистону Узбекистон дар мулоқоти хосаи Сарони давлатҳо оғоз гардида, дар вохӯрӣ бо иштироки ҳайатҳои васеи ҳар ду ҷониб идома ёфт.
18 апрел маросими истиқболи расмии Президенти Ҷумҳурии Узбекистон дар майдони Қасри миллат, ки ба хотири пазироии меҳмони олиқадр идона оро ёфта буд, баргузор гардид.
18 апрел Президенти Ҷумҳурии Узбекистон муҳтарам Шавкат Мирзиёев бо сафари давлатӣ ба Тоҷикистон ташриф оварданд.
Дар фурудгоҳи байналмилалии Душанбе меҳмони олимақомро бо нишони эҳтирому самимияти олӣ ва ҳусни ҳамсоягиву бародарӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон истиқбол гирифтанд.
11 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҷмааи фарҳангиву таърихии “Қалъаи Хуҷанд” дар чорабинии фарҳангӣ иштирок ва суханронӣ карданд.
Дӯстӣ ва робитаҳои халқҳои тоҷику узбек таърихи ниҳоят қадима дорад. Дар тули таърих некуҳамсоягӣ, дӯстию ҳамкориҳои халқҳои тоҷику узбек асоси муносибатҳои байниҳамдигарии онҳо буд.
Санаи 15 апрели соли ҷорӣ дар асоси Нақша- ҷадвали баргузории курсҳои азнавтайёркунӣ, такмили ихтисос ва таҷрибаомӯзӣ барои хизматчиёни давлатӣ, ки аз ҷониби Роҳбари Дастгоҳи иҷроияи Президенти Ҷумҳурии Тоҷикистон тасдиќ карда шудааст, дар Академияи идоракунии давлатии назди Президенти Ҷумҳурии Тоҷикистон курси азнавтайёркунӣ аз рӯи барномаи «Заминаҳои ҳуқуқии хизмати давлатӣ дар Ҷумҳурии Тоҷикистон» барои хизматчиёни давлатии мақомоти иҷроияи ҳокимияти давлатии вилоятҳо ва шаҳру ноҳияҳо оғоз гардид.
Яке аз самтҳои фаъолияти Агентии хизмати давлатии назди Президенти Ҷумҳурии Тоҷикистон роҳандозӣ намудани таҳсили хизматчиёни давлатӣ дар дохил ва хориҷи кишвар буда, дар ин самт мунтазам тадбирҳои судманд андешида мешаванд.
Ҳамкориҳои байналмилалии Агентии хизмати давлатӣ бо Академияи россиягии хоҷагии халк ва хизмати давлатии назди Президенти Федератсияи Россия таквият дода шуда, тибки дархости Академияи мазкур аз 22 феврали соли 2024, №0202-100-01-24 директори Агентии хизмати давлатӣ Давлатов Ҷ.М. дар Форуми академияҳои идоракунии давлатии кишварҳои ИДМ дар мавзӯи «Шахсият дар низомҳои идоракунӣ», ки рӯзҳои 27-29 марти соли 2024 дар шаҳри Москваи Федератсияи Россия баргузор гардид, иштирок намуд.
«Наврӯз рамзи покизагиву ободӣ, саодату нишот ва идомаи ҳаёт мебошад»
Эмомалӣ Раҳмон
Санаи 19 марти соли 2024 дар Агентии хизмати давлатии назди Президенти Ҷумҳурии Тоҷикистон чорабинии фарҳангӣ бахшида ба истиқболи ҷашни безаволи бостонӣ, Иди байналмилалии Наврӯз-2024 баргузор гардид.
Дар чорабинии фарҳангӣ роҳбарияти Агентии хизмати давлатӣ, кормандони дастгоҳи марказӣ ва сохторҳои маҳалии он, меҳмонон аз дафтари кории Лоиҳаи пешниҳоди стипендияҳо барои омодасозии кадрҳо (Лоиҳаи JDS) ва Академияи идоракунии давлатии назди Президенти Ҷумҳурии Тоҷикистон иштирок намуданд.
Санаи 16 марти соли 2024 дар Агентии хизмати давлатии назди Президенти Ҷумҳурии Тоҷикистон барои истиқболи сазовори Иди байналмилалии Наврӯз таҳти шиори «Наврӯз ҳамчун рамзи покизагиву ободӣ» бо иштироки роҳбарият ва кормандони Агентии хизмати давлатӣ ҳашари дастаҷамона ташкил карда шуд.
Бо арзи ихлосу эҳтиром Шуморо ба муносибати 70-солагии баҳори умратон табрику таҳният гуфта, ба Шумо бахту саодати ҷовидона, сарбаландиву шодмонӣ ва дар иқдомҳои ояндаатон пирӯзиҳоро хоҳонем.
Стратегияи миллии рушди Ҷумҳурии Тоҷикистон барои давраи то соли 2030
User Rating: 0 / 5
26 апрели соли 2023 дар Академияи идоракунии давлатии назди Президенти Ҷумҳурии Тоҷикистон бо мақсади таҳлил ва омӯзиши масъалаҳои ҳифзи ҳамаҷонибаи ҳуқуқу манфиятҳои қонунии кӯдакон, аз ҷумла кӯдакони ятиму бепарастор, кӯдаконе, ки ниёз ба ёрии давлатӣ доранд, ҳалли масъалаҳои душвори марбут ба риоя ва ҳифзи ҳуқуқу манфиятҳои кӯдак, расонидани ёрии ҳуқуқӣ, иҷтимоӣ ва моддӣ бо дастгирии Хазинаи кӯдакони СММ (ЮНИСЕФ) Маркази ҳуқуқҳои кӯдак ифтитоҳ гардид.
Маросими ифтитоҳи Марказ бо иштирок ва суханронии Абдухалил Ғафурзода-ректори Академияи идоракунии давлатии назди Президенти Ҷумҳурии Тоҷикистон, доктори илмҳои ҳуқуқшиносӣ, профессор, Осама Маккави Когали-сардори Дафтари намояндагии Хазинаи кӯдакони Созмони Милали Муттаҳид, Анвар Сафарзода-сардори раёсати маориф, фарҳанг ва иттилоотии Дастгоҳи иҷроияи Президенти Ҷумҳурии Тоҷикистон, Саодат Бобоҷонзода-ваколатдор оид ба ҳуқуқҳои кӯдак, Дилноза Аҳмадзода-муовини директори Агентии хизмати давлатии назди Президенти Ҷумҳурии Тоҷикистон, Зиёдулло Абдулзода-муовини вазири маориф ва илми Ҷумҳурии Тоҷикистон, Зулфия Абдусамадзода-муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон доир гардид.
Зимни ифтитоҳи Марказ ректори Академия, доктори илмҳои ҳуқуқшиносӣ, профессор Абдухалил Ғафурзода зикр намуд, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми худ ба Маҷлиси Олии Ҷумҳурии Тоҷикистон 22 декабри соли 2017 баён намуда буданд, ки «Барои давлат миллати солим, халқи солим лозим аст». Кӯдакон ояндаи ҷомеа мебошанд. Таъмини ҳуқуқҳои кӯдакон ба ҳифзи саломатӣ ва рушди солимию ҷисмонӣ ва равонии онҳо вазифаи аввалиндараҷаи ҳар як давлату ҷомеа ба ҳисоб меравад.
Дар даврони соҳибистиқлолӣ ҳамкориҳои байналмилалии Ҷумҳурии Тоҷикистон дар самти ҳуқуқи кӯдак рушд ёфтанд. Ҳамкорӣ хусусан бо дафтари Хазинаи кӯдакони СММ хеле назаррас буда, он дар асоси Созишномаи байни Ҳукумати Ҷумҳурии Тоҷикистон ва Хазинаи кӯдакони СММ сурат мегирад.
Дар идома қайд намуд, ки Марказ фаъолияти худро дар асоси Конститутсияи Ҷумҳурии Тоҷикистон, Кодекси граждании Ҷумҳурии Тоҷикистон, Қонуни Ҷумҳурии Тоҷикистон «Дар бораи ҳифзи ҳуқуқҳои кӯдак» ва дигар санадҳои меъёрии ҳуқуқӣ, санадҳои ҳуқуқи байналмилалие, ки аз тарафи Ҷумҳурии Тоҷикистон тасдиқ шудааст, санадҳои ҳуқуқӣ ва тавсифҳое, ки аз ҷиниби кумитаи зидди шиканҷаи СММ ва Кумита оид ба ҳуқуқи кӯдаки СММ қабул шудаанд, Оинномаи Академия ва Низомномаи Марказ ба роҳ мемонад.
Таъкид шуд, ки имрӯз дар Тоҷикистон ҳуқуқу озодиҳои кӯдакон риоя гардида, барои рушду камолоти онҳо дар шароити озоду арзанда тамоми имкониятҳо фароҳам оварда шудааст. Дар ташаккули бомуваффақияти шахсияти кӯдак ҷомеа ва оила нақши муҳим мебозанд. Аз ин рӯ, кӯдак бояд дар муҳити меҳру муҳаббат, дар оила миёни ашхоси наздик ва меҳрубон ба воя расад. Калонсолон бояд ба кӯдакон дар омодагӣ ба ҳаёти мустақил, аъзои комилҳуқуқи ҷомеа гардидан, барои ташаккули муқаррарии ҷисмонӣ ва ақлонии ӯ шароити мусоид фароҳам оваранд.
Ҳамчунин қайд гардид, ки Марказ барои ноил гардидан ба мақсадҳои гузошташуда фаъолияти худро дар самтҳои густариши муносибатҳои фарҳангӣ-иҷтимоӣ дар мақомоти давлатӣ, ва байналмилалӣ вобаста ба самти фаъолият дар доираи талаботи муқарарнамудаи қонунгузорӣ, ташкил ва баргузор намудани конфренсияҳо, симпозиумҳо, семинарҳо, мизҳои мудаввар ва дигар ҳамоишҳои илмӣ ҷиҳати тақвият бахшидани соҳаҳои гуногуни илм ба вуҷуд овардани фазои ягонаи илмӣ доир ба роҳҳои ҳалли проблемаҳои ҳифзи ҳуқуқи кӯдакон, омода кардани китобҳои дарсӣ ва дигар маводҳои омӯзишию иттилоотӣ барои донишҷӯён ва дигар нафароне, ки бо ин масъала фаъолият намояд, омода намудани модулҳои таълимӣ барои кормандони соҳаи иҷтимоӣ, гузаронидани курсҳои махсуси таълимӣ барои роҳбарони соҳаи ҳифзи иҷтимоӣ, гузаронидани корҳои тадқиқотӣ, такмили ихтисос ва такмили самарбахшии фаъолияти комиссияҳо оид ба ҳифзи ҳуқуқи кӯдак, баргузор намудани курсҳои кӯтоҳмухлат барои кормандони мақомоти ваколатдор оид ба ҳифзи ҳуқуқи кӯдак ва кормандони соҳаи ҳифзи иҷтимоии шаҳру ноҳияҳо, коркард ва баргузор намудани онлайн-курсҳо оид ба ҳифзи ҳуқуқҳои кӯдак, ташкил намудани низоми гузаронидани тренингҳо барои хизматчиёни давлатӣ бо истифода аз модулҳои тахассусӣ оид ба ҳифзи ҳуқуқи кӯдак, равобит ба дигар марказҳои амалкунанда оид ба ҳифзи ҳуқуқи кӯдак, пешбурди фаъолияти илмӣ-тадқиққотӣ, таҳияи маводҳои илмӣ-таълимӣ дар самти ҳифзи ҳуқуқҳои кӯдак ва дигар намуди фаъолияте, ки қонунгузории Ҷумҳурии Тоҷикистон ва меъёрҳои санадҳои байналмилалӣ манъ накардааст, ба роҳ мемонад.
(Маълумот ва аксҳо аз саҳифаи иҷтимоии Академияи идоракунии давлатии назди Президенти Ҷумҳурии Тоҷикистон)
Агентии хизмати давлатии назди
Президенти Ҷумҳурии Тоҷикистон
Таърих
Иқтисодиёт
Фарҳанг ва маориф
Сайёҳӣ
Парчам
Суруд
Асъори миллӣ
Боғи миллӣ
Ҳисор
Ҳулбук
Саразм
Вверх